Georgian Beer and Beverages Group (GBBG) არის საერთაშორისო ლუდისა და არაალკოჰოლური სასმელების მწარმოებელი ჯგუფის, Royal Swinkels-ის ნაწილი. GBBG აერთიანებს ორ კომპანიას: გლობალ ბიერ ჯორჯიასა (GBG) და საქართველოს დისტრიბუცია და ლოგისტიკას (GDL).

კომპანიების შესახებ:

გლობალ ბიერ ჯორჯია (GBG) - ქართული ლუდის ბაზრის ინოვაციური და წამყვანი მოთამაშეა. კომპანია წარმართავს ოპერაციების სრულ პროცესს - ლუდისა და ლიმონათის წარმოებას, მარკეტინგსა და გაყიდვებს, ასევე, ახდენს სხვადასხვა ბრენდების იმპორტსა და ექსპორტს. აღნიშნული ბრენდებია - ბავარია, ყაზბეგი, შავი ლომი, კაიაკი, აისი, 8.6, B52 და ლიმონათი “ყაზბეგი”.

საქართველოს დისტრიბუცია და ლოგისტიკა (GDL) – დისტრიბუციის სფეროში 17 წელზე მეტია ოპერირებს. კომპანია ქვეყნის მასშტაბით ახორციელებს დისტრიბუციასა და მესამე მხარის ლოგისტიკის (3PL) სერვისს; 6 ფილიალისა და რეგიონული გაყიდვების ჯგუფების მეშვეობით ემსახურება 12,000-ზე მეტ მომხმარებელს. GDL-ის პორტფელი მოიცავს GBG-ისა და, ასევე, მესამე მხარის პროდუქტებს, როგორიცაა ალკოჰოლური სასმელები, ყავა „ლავაცა“, წყალი, ღვინო და სხვა.

 GBBG-ში წარმატებით ვმუშაობთ სწრაფად ცვალებად და კონკურენტულ ინდუსტრიაში ჩვენი გუნდის პროფესიონალიზმის,  ენთუზიაზმის, კრეატიულობისა და ერთგულების წყალობით. ჩვენ ვაცნობიერებთ ადამიანური კაპიტალის მნიშვნელობას და გთავაზობთ,  დასაქმდეთ მზარდ და განვითარებად კომპანიაში. თუ გსურთ, შეიქმნათ სრულფასოვანი კარიერა და მნიშვნელოვანი წვლილი შეიტანოთ ქართული სასმელების ინდუსტრიის განვითარებაში - მოხარული ვიქნებით თქვენი გამოხმაურებით.

კომპანია აცხადებს ვაკანსიას იურისტის პოზიციაზე.

სამუშაო ადგილი: წილკანი, თბილისი.

ძირითადი მოვალეობები:

• კომპანიის სამართლებრივი დოკუმენტაციის, კორესპონდენციების, შიდა აქტების მომზადება, სამართლებრივი კონსულტაციების გაწევა;
• ხელშეკრულებების (ქართულ, რუსულ, ინგლისურ ენებზე) ანალიზი, ექსპერტიზა, ცვლილებების შეტანა. საბაზისო ფორმების საფუძველზე ინდივიდუალური ხელშეკრულებების შედგენა, მათში სპეციფიკური პირობების გაწერა;
• სადამფუძნებლო დოკუმენტაციის, მასში  ცვლილება-დამატებების, კრების ოქმების და სხვა კორპორატიული დოკუმენტაციის შედგენა, გაფორმების უზრუნველყოფა, საჭიროების მიხედვით რეგისტრირება მარეგისტრირებელ ორგანოში;
• ხელშეკრულებების, ბრძანებების და სხვა შიდა დოკუმენტაციის აღრიცხვა, სისტემატიზაცია და შენახვა;
• კომპეტენციის ფარგლებში კომპანიის წარდგენა და მისი ინტერესების დაცვა ფიზიკურ და იურიდიულ პირებთან ურთიერთობებში, წარმომადგენლობა სახელმწიფო ორგანოებში, საჯარო რეესტრის ეროვნულ სააგენტოში; „საქპატენტში“, ნოტარიუსთან;
• საჭიროების შემთხვევაში, წარმომადგენლობა საგამოძიებო ორგანოებში.
• ქვეყნის საკანონმდებლო ბაზაში მიმდინარე სიახლეების მუდმივი კონტროლი და სამუშაო პროცესში გამოყენება;
• საერთაშორისო ვაჭრობის ძირითადი სამართლებრივი პრინციპების და საერთაშორისო დავების ზოგადი ნორმების შესახებ სიახლეების მოძიება და საჭიროების შემთხვევაში, ადაპტირება სამუშაო პროცესში;
• საქმიანი მიმოწერების წარმოება (ქართულ, ინგლისურ, რუსულ ენებზე);
• საქმის დამოუკიდებლად ორგანიზება და შესაბამისი ანგარიშვალდებულება უშუალო ხელმძღვანელთან;
• ხელმძღვანელის მიერ დავალებული, სამუშაოსთან დაკავშირებული, სხვადასხვა დამატებითი ფუნქციის შესრულება;
• კომპანიის კონფიდენციალურობის პოლიტიკის დაცვა.

 ძირითადი მოთხოვნები:

• უმაღლესი განათლება  შესაბამისი სპეციალობით;
• აუცილებელია იურისტის პოზიციაზე მუშაობის მინიმუმ 2 წლიანი გამოცდილება;
• ინგლისური და რუსული ენების ცოდნას ენიჭება განსაკუთრებული მნიშვნელობა;
• უპირატესობა მიენიჭება კანდიდატებს, რომელთაც აქვთ სამეწარმეო/კორპორატიული სამართლის სფეროში მუშაობის გამოცდილება.

 პიროვნული უნარ-ჩვევები:

• წერითი და ვერბალური კომუნიკაციის კარგი უნარები;
• სწრაფი ათვისების და ადაპტაციის უნარი;
• დატვირთულ რეჟიმში მუშაობისა და დროის მართვის უნარი;
• პრიორიტეტების განსაზღვრის უნარი;
• პასუხისმგებლობის მაღალი გრძნობა;
• ეფექტური კომუნიკაციის უნარი;
• ორგანიზებულობა;
• პროაქტიულობა;
• გუნდური მუშაობის უნარი;
• დროის ეფექტურად მართვის უნარი;

გარანტიები:

• კანდიდატი შრომითი ურთიერთობის პერიოდში ისარგებლებს საქართველოს შრომის კოდექსით მინიჭებული ყველა ძირითადი უფლებით და გარანტიებით, მნიშვნელოვანი შეზღუდვების გარეშე.
• უზრუნველყოფილია კანონმდებლობით გათვალისწინებული უსაფრთხო და ჯანსაღი სამუშაო პირობები.

სამუშაო განაკვეთი: სრული განაკვეთი, კვირაში 40 საათი

შრომითი ურთიერთობის ხანგრძლივობა: განსაზღვრული ვადით

შრომის ანაზღაურება: განისაზღვრება კომპანიის შიდა პოლიტიკისა და კანდიდატის კვალიფიკაციის შესაბამისად

დაინტერესებულ კანდიდატებს გთხოვთ, დაგვიტოვეთ თქვენი რეზიუმე.

გთხოვთ, მიიღოთ ცნობად, რომ გასაუბრების ეტაპზე გადასულ კანდიდატებს დავუკავშირდებით ვაკნასიის განთავსების ვადის ამოწურვიდან უახლოესი ორი კვირის განმავლობაში.  სხვა შემთხვევაში ითვლება, რომ თქვენი რეზიუმე აღარ განიხილება!

დაუშვებელია   განზრახ ან გაუფრთხილებლობით პირის განსხვავება    ან გამორიცხვა ან მისთვის უპირატესობის მინიჭება რასის, კანის ფერის, ენის, ეთნიკური ან სოციალური კუთვნილების, ეროვნების, წარმოშობის, ქონებრივი ან წოდებრივი მდგომარეობის, შრომითი ხელშეკრულების სტატუსის, საცხოვრებელი ადგილის, ასაკის, სქესის, სექსუალური ორიენტაციის, შეზღუდული შესაძლებლობის, ჯანმრთელობის მდგომარეობის, რელიგიური, საზოგადოებრივი, პოლიტიკური ან სხვა გაერთიანებისადმი (მათ შორის, პროფესიული კავშირისადმი) კუთვნილების, ოჯახური მდგომარეობის, პოლიტიკური ან სხვა შეხედულების გამო ან სხვა ნიშნით, რომელიც მიზნად ისახავს ან იწვევს დასაქმებასა და პროფესიულ საქმიანობაში თანაბარი შესაძლებლობის ან მოპყრობის უარყოფას ან ხელყოფას.

დისკრიმინაციის აღმოფხვრისა და თანასწორობის უზრუნველყოფაზე ზედამხედველობას ახორციელებს საქართველოს სახალხო დამცველი.

Georgian Beer and Beverages Group (GBBG) - ის მიერ გამოცხადებულ ვაკანსიაზე თქვენი რეზიუმეს, CV გამოგზავნით, თქვენ ეთანხმებით, რომ ზემოხსენებული კომპანია უფლებამოსილია კანონმდებლობით დადგენილი წესით დაამუშაოს თქვენგან მიღებული პერსონალური ინფორმაცია. აგრეთვე ეთანხმებით, რომ თუ არ მოხდება თქვენი დასაქმება, თქვენს შესახებ პერსონალური მონაცემები შეინახება კომპანიაში ერთი წლის ვადით, დასაქმების შემდგომი შემოთავაზების მიზნით.

გისურვებთ წარმატებას!